លោក ហ៊ុន សែន សួរលោក កឹម សុខា ពីរឿងដាំចេកនិងលោក សម រង្ស៊ី រឿងដាំល្ហុងខ្វង
មុននឹងចាប់ផ្តើមកិច្ចចរចានៅព្រឹកនេះ លោកនាយករដ្ឋមន្ត្រី ហ៊ុន សែន បានសួរសំណួរដំបូងទៅកាន់ប្រមុខបក្សប្រឆាំងទាំងពីរ ពីរឿងដាំល្ហុងខ្វងនិងការដាំចេក។
ជាសំណួរមុនគេទៅកាន់មន្ត្រីបក្សប្រឆាំង លោក ហ៊ុន សែន បានសួរលោក កឹម សុខា ដូច្នេះថា ៖«ម៉េចបានជាប្តូរដាំចេកពីមេមត់មកដាំនៅចំការលើវិញ ដីចំការលើវាល្អឬយ៉ាងម៉េច? ម៉េចហើយចេកហ្នឹង»? លោក កឹម សុខា បានឆ្លើយដូច្នេះ៖ «អត់អីទេ កំពុងតែចាប់ផ្តើមដាំបណ្តើរៗ»។
លោក ហ៊ុន សែន ក៏បន្តសួរទៅលោក សម រង្ស៊ី ទៀតថា៖ «ម៉េចហើយចំការល្ហុងខ្វង? លោក សម រង្ស៊ី ឆ្លើយទាំងញញឹមដូច្នេះថា« មានកន្លែងខ្លះល្អ និងកន្លែងខ្លះក៏មិនសូវល្អដែរ»៕