យុវតីមួយចំនួនសម្ងំលក់ខ្លួនលួចលាក់តាមហ្វេសប៊ុក
ភ្នំពេញ៖ នៅក្នុងសម័យកាលដ៏ទំនើបនេះ មនុស្សមួយចំនួនពេញនិយមប្រើគណនីហ្វេសប៊ុក ដើម្បីជាមធ្យោបាយ ទំនាក់ ទំនងទៅកាន់មិត្តភក្តិ និងបង្ហោះរូបភាពផ្សេងៗបង្អួតគ្នាទៅវិញទៅមក។ ប៉ុន្តែ រូបភាពសិចស៊ី ស្រើបស្រាលរបស់នារីមួយ ចំនួនមិនមែនបង្ហោះដើម្បីបង្អួតគ្នាធម្មតានោះទេ ពួកគេទំនងជាស្ត្រីវ័យក្មេង«លក់ខ្លួន» បែបលួចលាក់។ នារីវ័យក្មេងទាំងនោះ បានប្រើគណនីហ្វេសប៊ុកជាមធ្យោបាយក្នុងការទំនាក់ទំនង និងចរចាជាមួយអតិថិជន។
នៅក្នុងសង្គមហ្វេសប៊ុកបច្ចុប្បន្ននេះ គេសង្កេតឃើញមានរូបភាព សិចស៊ី របស់យុវវតីជាច្រើន បានបង្ហោះជាសាធារណៈ ហាក់មិនសំចៃពីអាថ៌កំបាំងរបស់ខ្លួនឡើយ។ យុវតីមួយចំនួន ចូល ចិត្តបង្ហោះរូបភាពរបស់ខ្លួនដើម្បីកំសាន្តអារម្មណ៍ និងបង្អួតមិត្តភក្តិ។ ប៉ុន្តែ ក្នុងរយៈពេលចុង ក្រោយនេះ គេសង្កេតឃើញមានរូបភាពស្រើបស្រាលរបស់ស្ត្រីវ័យក្មេងមួយចំនួន ផ្សេងទៀតកំពុងរុញច្រានអោយបុរសៗមួយចំនួនឈ្លក់វង្វេង។ ឈ្លក់វង្វេងពីព្រោះតែក្រុមនារីៗទាំងនោះគឺជានារី«លក់ខ្លួនលួចលាក់» និងសុទ្ធសឹងជានារីវ័យក្មេង ដែលឈ្លាតឱកាសរកប្រាក់តាមប្រព័ន្ធបច្ចេកវិទ្យាទំនើប។ ការលក់ខ្លួនលួចលាក់តាមវិធីសាស្ត្រនេះអាចធ្វើអោយស្ត្រីខ្លួនឯង និងអតិថិជនគេចផុតពីការរិះគន់។
អតិថិជន និងស្ត្រី«លក់ខ្លួន»អាចចរចាពីតម្លៃ ហើយណាត់គ្នាឡើងសណ្ឋាគារ ឬផ្ទះសំណាក់ ក្រោយពេលដែលគេពេញចិត្តនឹងរូបភាពណាមួយដែលបានបង្ហាញនៅក្នុងហ្វេស ប៊ុក។ បុរសខ្លះអាចខកចិត្តទៅវិញផងដែរនៅពេលជួបមុខផ្ទាល់។ មុខនៅលើរូបថត និងមុខនៅពេលជួប ពិត អាចខុសគ្នា។ សំឡេងតាមទូរសព្ទ និងមុខផ្ទាល់អាចធ្វើអោយបុរស ឬស្ត្រី ខកចិត្ត។
ប្រសិនបើគេមើលតាមរូបថតធម្មតានៅក្នុងគណនីហ្វេសប៊ុក គេពិតជាមិនដឹងនោះទេថាពួក គេជា«នារីរកស៊ី»។ ប៉ុន្តែ អតិថិជនមួយចំនួនដែល«ចូលចិត្តស្ត្រី»អាចដឹងបានតាមរយៈ បុរសៗ មួយចំនួនដែលធ្លាប់ទទួលបានសេវាកម្មទាំងនោះ ឬតាមរយៈមេខ្យល់(ម៉ែយ៉ែម) ជាអ្នកណែ នាំ។ ម្យ៉ាងវិញទៀត ក៏មានបុរសមួយចំនួន បានស្គាល់ពួកនាងដោយចៃដន្យខ្លួនឯង តាមរយៈការផ្ញើរសារ«ញ៉ែគ្នា»ទៅវិញទៅមកផងដែរ។
បុរសវ័យជាង៣០ឆ្នាំម្នាក់ ដែលសុំមិនបញ្ចេញឈ្មោះ បាននិយាយត្រង់ៗថា លោកបានស្គាល់នារីម្នាក់តាមបណ្តាញសង្គមហ្វេសប៊ុក។ ដំបូងឡើយដោយសារតែឃើញគណនីរបស់នាងតែងតែបង្ហោះរូបភាពសិចស៊ីជាញឹក ញ៉ាប់ ជាហេតុដែលធ្វើអោយលោកចាប់អារម្មណ៍។ ក្រោយមកលោកបានផ្ញើរសារញ៉ែញ៉ងជាមួយនារីម្នាក់នោះអស់ជាច្រើនថ្ងៃ។
មិនយូរប៉ុន្មាន ជាងមួយអាទិត្យក្រោយមក បុរសវ័យកណ្តាលរូបនេះ បានណាត់នារីម្នាក់នោះញ៉ាំបាយបានសម្រេច។ ប៉ុន្តែ នារីម្នាក់នោះ ក៏បានព្រលយប្រាប់បុរសម្នាក់នេះផងដែរថា៖ «ពួកយើងអាចញ៉ាំបាយ ឬដើរលេងជាមួយគ្នាបាន ប៉ុន្តែបើចង់គេងជាមួយខ្ញុំត្រូវតែចំណាយ ប្រាក់»។ បុរសរូបនេះ ក៏បានបង្ហើបប្រាក់អោយដឹងផងដែរថា៖«ខ្ញុំបានគេងជាមួយនាងម្តង ដោយចំណាយអស់ប្រាក់ចំនួន ៨០ដុល្លារ។ ហើយនាងក៏បានសារភាពប្រាប់ខ្ញុំផងដែរ ថានាងលួចលាក់«លក់ខ្លួន»ម្តងម្កាលនៅពេលណាដែលនាងដាច់លុយតែប៉ុណ្ណោះ មិនមែនរកស៊ីជាអាជីពនោះទេ»។
ដោយឡែក យុវជនមួយក្រុមទៀតមានគ្នាប្រមាណជាប្រាំនាក់ ខណៈពេលកំពុងអង្គុយនៅក្នុងហាងផឹកស៊ីមួយកន្លែង នៅសង្កាត់ទួលទំពូង២ ពួកគេបានហុចទូរសព្ទបង្ហាញរូបភាពនារីៗ ស្រស់ស្អាតនៅក្នុងហ្វេសប៊ុក អួតខ្សឹបប្រាប់គ្នាទៅវិញទៅមក។ បន្តិចក្រោយមក យុវជនម្នាក់ បានបង្ហើបប្រាប់មិត្តភក្តិរបស់ខ្លួនថា៖«ខ្ញុំស្គាល់មេខ្យល់ម្នាក់ ដែលអាចរកនារីស្អាតៗអោយពួក យើងបាន ដូចរូបដែលបានបង្ហោះនៅក្នុងហ្វេសប៊ុកនេះ»។
បន្តិចក្រោយមក យុវជនម្នាក់ទៀតពាក់ខ្សែដៃធំៗដែលមើលទៅទំនងជាកូនអ្នកសំបូរទ្រព្យធន ក្នុងចំណោមពួកគេនោះ បានដកទូសព្ទទំនើបរបស់ខ្លួនពីហោប៉ៅ ប្រញ៉ាប់ផ្ញើរសារទៅកាន់មេខ្យល់(ម៉ែយ៉ែម)នោះភ្លាម។ យុវជនវ័យជាង២៥ឆ្នាំរូបនេះសួរទៅកាន់មេខ្យល់ថា៖«តើមាននារីស្អាតៗឬទេ? ខ្ញុំត្រូវការនារីម្នាក់កំដរខ្ញុំយប់នេះ…»។ ក្រោយមកមេខ្យល់ បានផ្ញើររូបថតនារី ៗស្រស់ស្អាត ពីបួន ទៅប្រាំ សន្លឹក និងមានតម្លៃខ្លួនផងដែរ មកកាន់បុរសរូបនេះដើម្បីជ្រើស រើស។ ភ្នែកសម្លឹងរូបថតនៅក្នុងទូរសព្ទបណ្តើរ ញញឹមតិចៗបណ្តើរ បន្តិចក្រោយមក យុវជនរូបនេះបានសម្រេចចិត្តជ្រើសយកនារីម្នាក់ក្នុងតម្លៃ ១០០ដុល្លារ។
ក្រោយពេលត្រូវរូវគ្នាហើយ មេខ្យល់បានណាត់ពីទីតាំងសណ្ឋាគារ ឬផ្ទះសំណាក់ដែលត្រូវ ជួបគ្នា ហើយបន្ទាប់មកមេខ្យល់នឹងប្រាប់អោយនារីដែលគេត្រូវចិត្តនោះ ទៅជួបតាមក្រោយតាមទីតាំងដែលបានណាត់ទុក។
ទោះជាយ៉ាងណាក៏ដោយ តម្លៃខ្លួន ១០០ដុល្លារនេះ គឺសម្រាប់គេងតែម្តងប៉ុណ្ណោះ មិនមែនពេញមួយយប់នោះទេ។ មេខ្យល់ក៏បានបញ្ជាក់ផងដែរថា ពួកនាងមិនអាចគេងជាមួយភ្ញៀវពេញមួយយប់បាននោះទេ ពីព្រោះពួកនាង«រកស៊ីលួចលាក់» ពិបាកចេញពីផ្ទះពេលយប់ ហើយក៏ពិបាកណាត់ជួបផងដែរ។ នារីមេខ្យល់បានអោយដឹងទៀតថា ប្រសិនបើអតិថិជនចង់ជួបពួកនាងនោះ ពួកគេត្រូវប្រាប់យ៉ាងហោចណាស់មួយម៉ោងមុន ហើយពេលវេលាដែល ងាយនឹងបានជួបពួកនាង គឺពេលព្រឹក និងពេលថ្ងៃ។
បណ្តាញសង្គមហ្វេសប៊ុកក្នុងពេលបច្ចុប្បន្ននេះ បាននិងក៏កំពុងក្លាយជាមធ្យោបាយសម្រាប់«នារីរកស៊ីលួចលាក់»មួយចំនួន ពួនសម្ងំទំនាក់ទំនងជាមួយអតិថិជនរបស់ខ្លួន ហើយក៏ជា មធ្យោបាយដ៏ទំនើបមួយដែលពួកគេអាចគេចផុតពីសំណាញ់ច្បាប់ផងដែរ។
សូមបញ្ជាក់ថា រូបភាពស្រើបស្រាលនៃនារី«រកស៊ីលួចលាក់»ទាំងនោះ បាននិងកំពុងដុតរោលអារម្មណ៍យុវវ័យមួយចំនួនអោយភ្លើតភ្លើន ស្ទើតែភ្លេចអស់សីលធម៌ ហើយក៏កំពុងជះ ឥទ្ធិពលអវិជ្ជមានដល់សង្គមផងដែរ៕
ពត៌មានទាំងនេះបានពី ThmeyThmey.com 